ალბათ, არავის გაუკვირდება, რომ მსახიობები წინასწარ დაწერილი სცენარის გარდა არც ისე იშვიათად საკუთარი იმპროვიზაციითაც ხელმძღვანელობენ და ხშირად ეს უფრო ამართლებს კიდეც.

არ უნდა დავივიწყოთ ისიც, რომ შეცდომებს ყველანი ვუშვებთ და ამ მხრივ გამონაკლისი არც ყველასათვის საყვარელი და მისაბაძი ვარსკვლავები არიან.

ამ სტატიაში იმ კადრებს წარმოგიდგენთ, რომელთა გადაღებაც დაგეგმილი სულაც არ იყოს, მაგრამ გაუთვალისწინებელი შეცდომისა თუ მოულოდნელი იმპროვიზაციის გამო იმდენად კარგი აღმოჩნდა, რომ ფილმებისა თუ სერიალების საბოლოო ვერსიებში დატოვეს კიდეც:

1. მისის დაუდფაიერი (1993)

სცენა, რომელშიც მისის დაუდფაიერი სახეს კრემით იფარავს, გადასაღებ მოედანზე გეგმის მიხედვით სულაც არ წარიმართა: განათების გამო რობინ უილიამსის სახეზე კრემმა დნობა დაიწყო და როცა ქალბატონ სელნერს ჩაიშიც ჩავარდა, მსახიობმა მოულოდნელად წამოიძახა: "აი, ახლა თქვენ კრემიც გაქვთ და შაქარიც".

2. ფორესტ გამპი (1994)

ფრაზა, რომელსაც ფორესტი საკუთარი თავის წარდგენისას ამბობს — "ჩემი სახელია ფორესტ გამპი. ხალხი ფორესტ გამპს მეძახის", სცენარში არ ყოფილა: მეორე ნაწილი ტომ ჰენკსს წამოსცდა. რეჟისორმა კი ამ იმპროვიზაციის ამოჭრა არ მოინდომა.

3. მეგობრები

როცა როსი ქორწილში ემილის ნაცვლად "რეიჩელს" ამბობს, სინამდვილეში, თავდაპირველ სცენარში არ ყოფილა.

დევიდ შვიმერს სახელები აერია და სცენარისტებმა ამ ეპიზოდის გამოყენება გადაწყვიტეს, რადგან ფიქრობდნენ, რომ ეს განსაკუთრებული მომენტი იქნებოდა და ასეც აღმოჩნდა.

4. პრინცესას დღიურები (2001)

ამ სცენაში ენ ჰეთეუეი დაგეგმვის გარეშე, რეალურად დაეცა და კადრიც არ ამოუჭრიათ, რადგან ეს ეპიზოდი ზუსტად შეესაბამებოდა მის ჯიუტ და მოუხერხებელ პერსონაჟს.

5. თორი: ბნელი სამყარო (2013)

სცენა, რომელშიც თორი ჩაქუჩს ტანსაცმლის საკიდზე კიდებს, უბრალოდ კრის ჰემსვორტის მოულოდნელი გადაწყვეტილებაა, მაგრამ იმპროვიზება იმდენად კარგი გამოდგა, რომ ფილმშიც დარჩა.

6. ექიმი ჰაუსი

სამედიცინო დრამის ლამის ლეგენდად ქცეული პერსონაჟი ჰაუსი თავისი მახვილგონივრულობით იყო ცნობილი, თუმცა ბევრი სცენა, რომელშიც ის ირონიითა და იუმორით გამოირჩევა, თავად მსახიობის, ჰიუ ლორის იმპროვიზაციაა.

7. ჯოკერი (2008)

მსახიობი ჰიტ ლეჯერიც გამოირჩეოდა როლის მიმართ განსაკუთრებული და თავისუფალი მიდგომით. მან ჯოკერის პერსონაჟი ლამის მთლიანად იმპროვიზაციით შექმნა: მათ შორის სარკასტული ტაშის დაკვრა ჯიმ გორდონის დაწინაურებისას სწორედ მისი იდეა იყო.

8. ნათლია (1972)

ამ კადრში კატა სულ შემთხვევით მოხდა: გადასაღებ მოედანზე ფისო მოულოდნელად გამოჩნდა და მარლონ ბრანდოს კალთაში ჩაუხტა, ამან კი ეს სცენა იმაზე მეტად დასამახსოვრებელი გახადა, ვიდრე ვინმეს შეეძლო წარმოედგინა.

9. ბინძური ცეკვები (1972)

ამ სცენაში რეალურად მსახიობები გადაღების დაწყებამდე ხურდებიან, თუმცა რეჟისორს იმდენად მოეწონა, რომ ფილმში ჩასვა.

10. ნათელი გონების მარადიული ბრწყინვალება (2004)

ფილმის ერთ-ერთ ნაწილში ქეით უინსლეტის პერსონაჟი უეცრად ქრება, რაც ჯიმ ქერის პერსონაჟის გულწრფელ გაკვირვებას იწვევს, რადგან მსახიობმა ეს წინასწარ არ იცოდა, სწორედ ამიტომ მისი რეაქცია ბუნებრივია.