ბუჩას მერის, ანატოლი ფედორუკის თქმით, ოკუპანტებმა ქალაქში დაახლოებით 300 მშვიდობიანი მოქალაქე მოკლეს. მან ამის შესახებ BBC-სთან ისაუბრა.

ფედორუკი ამბობს, რომ ის თავად შეესწრო რუსული ჯარების მიერ უკრაინელების სიკვდილით დასჯას.

"რამდენიმე ეპიზოდი ვნახე. იყო სამი სამოქალაქო მანქანა, რომლებიც ცდილობდნენ ევაკუაციას კიევისკენ და ისინი სასტიკად დახვრიტეს. იყო ორსული ქალი, რომლის ქმარი ყვიროდა და სთხოვდა, რომ არ ესროლათ მისთვის, მაგრამ მათ უბრალოდ სასტიკად დახვრიტეს", — თქვა ქალაქის მერმა.

ფედორუკმა მოუწოდა რუსეთის საგარეო საქმეთა მინისტრს, სერგეი ლავროვს, რომელმაც უარყო მოსკოვის ჯარების სამხედრო დანაშაულების ბრალდებები, ჩასულიყო ბუჩაში და ენახა დაღუპულთა ცხედრები და თვალებში ჩაეხედა მათი ოჯახისწევრების, დედების, ქმრების და ბავშვებისთვის.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.