Financial Times წყაროებზე დაყრდნობით წერს, რომ რუსეთი აღარ ითხოვს უკრაინის დენაციფიკაციას და ამასთანავე, თანახმაა, უკრაინა გახდეს ევროკავშირის წევრი, თუკი ის არ შეუერთდება სამხედრო ალიანსებს.

მოლაპარაკებების შესახებ ინფორმირებულ ოთხ წყაროზე დაყრდნობით, FT-მ განაცხადა, რომ ცეცხლის შეწყვეტის შეთანხმების პროექტი არ შეიცავს რუსეთის სამი ძირითადი მოთხოვნის განხილვას — დენაციფიკაციას, დემილიტარიზაციას და რუსული ენის იურიდიულ დაცვას უკრაინაში.

მედიის ინფორმაციით, რუსეთ-უკრაინის მოლაპარაკებებზე განიხილავენ პოტენციურ შეთანხმებას, რომლის მიხედვითაც უკრაინას სამხედრო ნეიტრალიტეტი ექნება — ქვეყანა NATO-ში არ გაწევრიანდება და სხვა ქვეყნის ბაზებს საკუთარ ტერიტორიაზე არ განათავსებს.