Wall Street Journal-ის ინფორმაციით, რუს ოლიგარქ რომან აბრამოვიჩს და მასთან მოლაპარაკებებზე მყოფ უკრაინის დელეგაციის წევრებს მოწამლვლის სიმპტომები ჰქონდათ. მედია წყაროზე დაყრდნობით წერს, რომ უკრაინის დედაქალაქში შეხვედრის შემდეგ, აბრამოვიჩსა და უკრაინის დელეგაციის ორ წევრს თვალების სიწითლე, სახესა და ხელებზე კანის აქერცლვა და მტკივნეული ცრემლდენა განუვითარდათ.

Wall Street Journal-ის ცნობით, რამდენიმე წყარო ამ ინციდენტში კრემლს ადანაშაულებს და ამბობენ, რომ მათ მოლაპარაკებების ჩაშლა სურდათ. მედია წერს, რომ როგორც აბრამოვიჩთან დაახლოებულმა პირმა თქვა, მათ არ იციან ვისი სამიზნე გახდა აღნიშნული ჯგუფი.

საკითხთან დაკავშირებული პირების თქმით, დასავლელმა ექსპერტებმა, რომლებმაც ინციდენტი გამოიკვლიეს, განაცხადეს, რომ იმის დადგენა თუ რისგან იყო გამოწვეული მოწამვლა რთული დასადგენია.

მედიის წყაროების ინფორმაციით, აბრამოვიჩი და სხვა მოწამლული პირები თავს უკეთ გრძნობენ და მათ სიცოცხლეს საფრთხე არ ემუქრება. მათი თქმით, უკრაინის პრეზიდენტს, ვოლოდიმირ ზელენსკის, რომელიც შეხვდა აბრამოვიჩს, საფრთხე არ შექმნია. ზელენსკის სპიკერმა კი განაცხადა, რომ მას არ აქვს ინფორმაცია რაიმე საეჭვო მოწამვლის შესახებ.