თებერვალში უცხოეთიდან საქართველოში 183,4 მილიონი დოლარის ფულადი გზავნილი გადმოირიცხა, რაც 2021 წლის მაჩვენებელთან შედარებით $22 მილიონით არის გაზრდილი.

აღსანიშნავია, რომ თებერვალში რუსეთიდან გადმორიცხული გზავნილების მოცულობა წლიურად $3,2 მილიონით არის შემცირებული და $21,9 მილიონს შეადგენს. ამასთან, იმავე თევში უკრაინიდან $2,3 მილიონით ნაკლები, $5,1 მილიონი დოლარის გზავნილი მივიღეთ.

ასეთია იმ 10 ქვეყნის ჩამონათვალი, რომლისგანაც თებერვალში ყველაზე მეტი თანხა გადმოირიცხა:

  1. იტალია — $33 მლნ, ზრდა 15,4%;
  2. რუსეთის ფედერაცია — $21.9 მლნ, კლება 12,7%;
  3. აშშ — $21.1 მლნ, ზრდა 10,3%;
  4. საბერძნეთი — $15.5 მლნ, კლება 21,5%;
  5. ისრაელი — $14.1 მლნ, ზრდა 1,2%;
  6. ყაზახეთი — $13.8 მლნ, ზრდა 680,7%;
  7. გერმანია — $11.4 მლნ, ზრდა 61,9%;
  8. თურქეთი — $7.3 მლნ, კლება 14,1%;
  9. უკრაინა — $5.1 მლნ, კლება 31,4%;
  10. აზერბაიჯანი — $4.8 მლნ, კლება 19,6%.

აქვე უნდა აღინიშნოს ისიც, რომ თებერვალში საქართველოდან უცხოეთში 26,7 მილიონი დოლარი გადაირიცხა. ქვეყნებს შორის, ყველაზე მეტი თანხა რუსეთსა ($6,3 მილიონი) და თურქეთში ($5,4 მილიონი) გაიგზავნა.