დიდი ბრიტანეთის პრემიერმინისტრი ბორის ჯონსონი მარიუპოლში რუსული სამხედრო ძალების მიერ სამშობიაროს და ბავშვთა საავადმყოფოს დაბომბვას ეხმაურება და წერს, რომ საზარელი დანაშაულებების გამო პუტინი პასუხს აგებს.

"ცოტა რამაა იმაზე მეტად ამორალური, ვიდრე დაუცველების მიზანში ამოღება. დიდი ბრიტანეთი ავიათავდასხმებისგან დასაცავად უკრაინის მხარდაჭერის დამატებით საშუალებებს იკვლევს. საზარელი დანაშაულებების გამო პუტინს პასუხს ვაგებინებთ", — წერს ჯონსონი.

რუსულმა სამხედრო ძალებმა მარიუპოლში სამშობიარო და ბავშვთა საავადმყოფო დაბომბეს. გავრცელებული ინფორმაციით სამშობიაროს ნგრევას მსხვერპლი მოყვა, ბავშვთა საავადმყოში დაშავებულთა შესახებ კი ინფორმაცია დაზუსტებული არაა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში