შინაგან საქმეთა მინისტრი, ვახტანგ გომელაური თორნიკე რიჟვაძის განცხადებასთან დაკავშირებით დასმულ კითხვაზე ამბობს, რომ უკრაინას რომ არ დაუწყია ომი, ყველამ კარგად იცის და ეს კითხვა არ უნდა დაისვას.

"ეს კითხვა, მგონი, საერთოდ არ უნდა დაისვას, ჩემი აზრით. რუსეთმა პირდაპირ შეიყვანა ჯარები და დაიწყო ომი, ამას რა კითხვა უნდა? ოპერაცია დაარქვეს მათ, მაგრამ ომია ხომ პირდაპირ? რა კითხვა უნდა, უკრაინას რომ არ დაუწყია ომი, ყველამ კარგად იცის. ეს კითხვა, ჩემი აზრით, დასასმელი არც არის", — ამბობს ის.

7 მარტს რიჟვაძემ პირდაპირ არ უპასუხა კითხვას, ვინ დაიწყო ომი უკრაინაში და თქვა, რომ ამისთვის ჟურნალისტებმა საერთაშორისო სასამართლოს და დარგის ექსპერტებს უნდა მიმართონ.