შინაგან საქმეთა მინისტრის, ვახტანგ გომელაურის განცხადებით, უკრაინაში რუსეთის შეჭრიდან დღემდე, 13 დღის განმავლობაში საქართველოში 20 000-ზე მეტი რუსეთის მოქალაქე შემოვიდა. მისი თქმით, საუბარი იმაზე, რომ უპრეცედენტოდ მოიმატა რუსეთიდან მოქალაქეების შემოსვლამ, მართალი არ არის.

"საზღვარი კონტროლდება, რა თქმა უნდა, ძალიან მაღალ დონეზე. უსაფრთხოების სამსახურთან ერთად გვაქვს აქცენტი გაკეთებული უსაფრთხოებაზე, როგორც მწვანე საზღვარზე, ასევე, გამშვებ პუნქტებზე.

იყო ხშირი საუბარი, თითქოს უპრეცედენტოდ მოიმატა რუსეთის მოქალაქეების შემოსვლამ საქართველოში. ეს არ არის მართალი. 2020 წელს დაკეტილი იყო მთლიანად. 2019 და 2021 წელს თუ შევადარებთ, არის დაახლოებით 70% შემოსული, რაც მაშინ შემოდიოდა. იმაზე ნაკლებია. ომის დაწყებიდან, 24 თებერვლიდან დღემდე, 13 დღის განმავლობაში არის 20 000 ადამიანზე ცოტა მეტი შემოსული, როდესაც 2019 წელს შემოსული იყო 40 000 ანალოგიურ პერიოდში", — განაცხადა გომელაურმა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში