თუ სერიალ ჰოუმლენდს უყურებთ და ბროუდის პერსონაჟის გაქრობამ გული დაგწყვიტათ, არ იდარდოთ, ახალ სეზონში ის, შესაძლოა, დაბრუნდეს.

როგორც სერიალის ერთ-ერთი შემქმნელი ალექს განზა ამბობს, დემიან ლიუსის პერსონაჟის დაბრუნება ყოველთვის შესაძლებელია.

"ვფიქრობ ბროუდი კერის წარსული ცხოვრების ძალიან მნიშვნელოვანი ნაწილია. ბევრი თვალსაზრისით კერი, მისი ცხოვრების იმ პერიოდში, ბევრად უფრო გულუბრყვილო და უდანაშაულო იყო. განსხვავებით წინა სეზონებისგან, სადაც ის უფრო გოგოური იყო, ახლა ის ძლიერი ქალია. თუმცა ბროუდი აუცილებლად დარჩება მისი წარსულის იშვიათ და მნიშვნელოვან ნაწილად. სწორედ ამიტომ, მგონია, რომ დემიან ლიუსის პერსონაჟის დაბრუნება ყოველთვის შესაძლებელია", - ამბობს განზა.

Homeland ყველა დროის ერთ-ერთი საუკეთესო და ხარისხიანი სერიალია, რომელსაც ხშირ შემთხვევაში "წინასწარმეტყველურ" შოუსაც უწოდებენ, რადგან აქ განვითარებული მოვლენები ხშირად წინ უსწრებს მსოფლიო პოლიტიკურ და საზოგადოებრივ ცხოვრებაში მომხდარ ამბებს.

სერიალი არაჩვეულებრივია თავისი სიუჟეტით და სამსახიობო შემადგენლობით, აქ თქვენ გაიცნობთ კლერ დეინსის, მენდი პატინკინის, რუპერ ფრენდსა და დემიან ლუისის არაჩვეულებრივ სამსახიობო ოსტატობას.