გარეგნობაზე დაცინვა რომ მიუღებელი ქმედებაა, ამაზე ადამიანთა უმეტესობა თანხმდება. თუმცა ხშირია ისეთი შემთხვევები, როცა გარეგნობის გამო სხვისი განსჯა ადამიანს განზრახული არ აქვს, მაგრამ ერთი შეხედვით უწყინარი კომენტარების მეშვეობით სწორედ ამას აკეთებს. მართალია, კომენტარის ავტორისთვის ეს გაუცნობიერებლად ხდება, თუმცა იმ ადამიანისთვის, რომლის წონასა თუ სიმაღლესა შეუმჩნევლად აკრიტიკებენ, ნებისმიერი სიტყვა მაინც მძიმე მოსასმენია.

მაგალითად, კრიტიკულ შეფასებებს შეუძლიათ მენტალური ჯანმრთელობის ისეთი პრობლემები გააუარესონ, როგორიც კვებითი აშლილობაა. კვებითი აშლილობა მენტალური მდგომარეობაა, რომელიც ჭამასთან დაკავშირებულ არაჯანსაღ ჩვევებს უკავშირდება. ამ დროს ადამიანს სხეულის ფორმებთან ან საკვებთან დაკავშირებით ობსესიური დამოკიდებულება უჩნდება.

სოციალური ქსელების მომხმარებლების აზრით, გარეგნობის შესახებ სწორედ "უწყინარი" კომენტარები თუ ხუმრობებია იმის მიზეზი, რის გამოც ადამიანები თავს ცუდად გრძნობენ. როდის განსჯიან ადამიანები სხვების გარეგნობას გაუცნობიერებლად? ამაზე სოციალური ქსელების 8 მომხმარებლის პასუხს გთავაზობთ:

1. " როცა წონაში კლებასთან დაკავშირებით კომპლიმენტს გეუბნებიან. გამხდარიც ვყოფილვარ და წონაც ხშირად მომიმატებია. როცა წონაში ვიკლებდი, ძალიან ბევრ კომპლიმენტს ვისმენდი. ვიცი, რომ ადამიანებს კარგი განზრახვა ჰქონდათ და მადლობასაც ვუხდიდი, მაგრამ ის აზრი არ მასვენებდა, რომ წონაში დაკლებამდე საზიზღარი მონსტრი ვიყავი", — delorienaz

2. "როცა პატარა პენისზე ხუმრობენ, უბრალოდ შეწყვიტეთ!"

3. "როცა სიმაღლის შესახებ ხუმრობები არ სრულდება. "როგორი ამინდია მაღლა? ან "შენ კალათბურთი უნდა ითამაშო" — ეს მაღალი ადამიანებისთვის ნაცნობი ფრაზებია, რაც ქალისთვის განსაკუთრებით რთულია, რადგან მაღალი ქალი ნაკლებად ფემინურად მიიჩნევა. მერე რა, თუ წყვილში ქალი კაცზე მაღალია?! დიდი ამბავი!"

4. "როცა შენზე გაცილებით გამხდარი ადამიანი თავის წონაზე გეწუწუნება", — meaganhibbert1

ფოტო: Dribbble

5. "როცა გამხდარ ადამიანს ეუბნები, რომ მეტი ჭამოს. განა თავად არ ვიცი, რომ გამხდარი ვარ? იქნებ კვებითი აშლილობა მაქვს და ჩემი სხეული ისე არ მუშაობს, როგორც შენი?" — Prk2000

6. "როცა ჭარბწონიან კაცს ეუბნები, რომ ზოგიერთ ქალზე დიდი მკერდი აქვს. მან ეს თავადაც კარგად იცის და შეხსენება არ არის საჭირო", — p4ead93b6f

7. "როცა პლუს ზომის ადამიანს სპორტდარბაზში ეუბნები, რომ მისი შემართებით აღფრთოვანებული ხარ".

8. "როცა მუდმივად შენს სიდაბლეზე გეხუმრებიან. მთელი ცხოვრებაა ასე ხდება და ზოგჯერ ხუმრობები სრულიად უცნობი ადამიანებისგანაც კი მესმის", — Jbdnco

ასევე იხილეთ:

Responsible.ge ევროპაბეთის პლატფორმაა, რომელიც საზოგადოებაში აზარტული თამაშების შესახებ ცნობიერების ამაღლებასა და პასუხისმგებლობიანი თამაშის პოპულარიზაციას ემსახურება. ამასთანავე, პლატფორმის დახმარებით, შეგიძლიათ, გაეცნოთ პასუხისმგებლობიანი თამაშის ხელსაწყოებსა და ანგარიშებს, ასევე ინფორმაციას ევროპაბეთის პასუხისმგებლობის შესახებ საზოგადოების მიმართ, ბიზნესსა და კომუნიკაციაში.