ექსპრეზიდენტის, მიხეილ სააკაშვილის განცხადებით, ბელარუსის პრეზიდენტთან ალექსანდრე ლუკაშენკოსთან საიდუმლო შეხვედრები ჰქონდა. ამის შესახებ მან დღეს მიმდინარე პროცესზე ისაუბრა.

"მე მართლაც 4-ჯერ ვიყავი ლონდონში, დავჯექი თვითმფრინავზე, გადავფრინდი და 4-ჯერ მქონდა საიდუმლო შეხვედრა ლუკაშენკოსთან. ეს იყო საიდუმლო დიპლომატია. ახლა იძულებული ვარ ეს ვილაპარაკო, ესენი არიან სამშობლოს მოღალატეები, ვინც ეს ილაპარაკა", — აღნიშნა მან.

სააკშვილის თქმით, იმ პერიოდში "საიუდმლო მისიებს" ახორციელებდა, რომლის "გამომზაურებაც" ახლა არ უნდა მომხდარიყო.

"სამჯერ თუ ოთხჯერ ვიყავი ლონდონში და რომ ნახოთ ეს ფურცლები, რომლებიც მათ გამოამზეურეს, უნდა ყოფილიყო საიდუმლო, იმიტომ, რომ როდესაც შენ ომში ხარ და ახორციელებ საიდუმლო მისიებს, და მე ვახორციელებდი საიდუმლო მისიას, შენი გადაადგილება არ უნდა იყოს გამომზეურებული ახლა, მაგრამ ვინაიდან, გუშინ წინ უკვე ლუკაშენკომ თქვა, რომ პუტინი თუ მეტყვის, ვაღიარებ ტერიტორიებსო, ესეც ამათი პოლიტიკის შედეგია", — ამბობს ის.

დღეს ექსპრეზიდენტის სასამართლო პროცესი იმართება. სხდომაზე ე.წ. პიჯაკების საქმეს განიხილავენ, რომლის ფარგლებშიც ექსპრეზიდენტს თანამდებობის გამოყენებით სახელმწიფო ქონების გაფლანგვას ედავებიან. მიმდიანრე სხდომაზე მოწმის სახით მისული იყო სახელმწიფო დაცვის სპეციალური სამსახურის უფროსი, ანზორ ჩუბინიძე, რომელმაც ჩვენების მიცემაზე უარი თქვა.