თბილისის მერმა, დავით ნარმანიამ საკრებულოში შემაჯამებელი სიტყვით გამოსვლისას ოპოზიციას მიმართა და თქვა, რომ შეცდომა არ დაუშვია, როდესაც მოსამართლე ნაზღაიძის საქმესთან დაკავშირებით ოპოზიციის მოთხოვნას საკრებულოში მისვლის თაობაზე არ დასთანხმდა. "სიცრუე და მამაძაღლობა არ გამოგივათ" დაამატა ნარმანიამ.

თბილისის მერის აზრით, ოპოზიციას არ უნდა იმ სიკეთეების დანახვა, რაც ქალაქში კეთდება. მისი თქმით, ოპოზიციის წარმომადგენლები ცრუობენ, როდესაც ამბობენ, რომ კითხვებზე პასუხს ვერ იღებენ.

დავით ნარმანიამ ყოველწლიური ანგარიში თბილისის საკრებულოს დღეს, 11 აპრილს წარუდგინა.

"ეს იყო ჩემი მეშვიდე მოხსენება თბილისის საკრებულოში და მე ვამაყობ, რომ ყველა წინამორბედისგან განსხვავებით, ყველაზე ანგარიშვალდებული მერი ვარ და რამდენჯერაც საჭირო იქნება იმდენჯერ წარვდგები საკრებულოში," - განაცხადა ნარმანიამ.