დეფაქტო სამხრეთ ოსეთის საპრეზიდენტო არჩევნებში, წინასწარი მონაცემებით, ანატოლი ბიბილოვი ლიდერობს ხმების 57,9% პროცენტით. ამის შესახებ ინფორმაციას რუსული სააგენტო სპუტნიკი, სამხრეთ ოსეთის ცენტრალური საარჩევნო კომისიის თავმჯდომარეზე დაყრდნობით ავრცელებს.

მეორე ადგილზე არაღიარებული რესპუბლიკის მოქმედი ლიდერი, ლეონიდ თიბილოვია 30 პროცენტით. მესამე კანდიდატმა, KGB-ს თანამშრომელმა, ალან გაგლოევმა ხმების 11,01% დააგროვა.

სამივე კანდიდატი რუსეთთან ურთიერთობის გამყარების მომხრეა.

გამარჯვებისთვის კანდიდატს ხმების 50 პროცენტზე მეტის აღება სჭირდება.

ანატოლი ბიბილოვმა უკვე გამოაცხადა თავი დეფაქტო სამხრეთ ოსეთის საპრეზიდენტო არჩევნების გამარჯვებულად.

RIA-ს ცნობით, პარალელურად, დეფაქტო სამხრეთ ოსეთში რესპუბლიკის სახელის შეცვლაზე რეფერენდუმი გაიმართა. მონაწილეთა 78,2-მა პროცენტმა სამხრეთ ოსეთისთვის ალანიას დარქმევას დაუჭირა მხარი.