ჯანდაცვის მინისტრის, ეკატერინე ტიკარაძის განცხადებით, კოვიდის კომპონენტში სახელმწიფოს აქვს სისტემური პასუხი და ჯანდაცვის სექტორი ნებისმიერი სიდიდის ტალღას გაუძლებს.

"ჩვენ ვთვლით, რომ კოვიდის კომპონენტში დღეს სახელმწიფოს გააჩნია სისტემური პასუხი, მრავალფუნქციური, მრავალდონიანი და სისტემური პასუხი, აქედან გამომდინარე, ნებისმიერი სიდიდის ტალღას ჯანდაცვის სექტორი გაუძლებს, თუმცა ეს არ უნდა გახდეს მიზეზი იმის, რომ მოვადუნოთ ყურადღება მთავარი გამოწვევისგან და ვაქცინაციას არ შევუწყოთ ხელი.

გაუძლებს სექტორი, გაუძლებენ ექიმები, ვინაიდან დარწმუნებული ვარ, რომ არცერთი ექიმი არ გაიხდის ხალათს და არ დატოვებს პაციენტს საწოლთან ყურადღების გარეშე, თუმცა ყველაფერი ექიმებსაც არ შეუძლიათ და ის ლეტალობის მაჩვენებელი, რომელიც რეალურად დრამატულია ჩვენნაირი პატარა ქვეყნისთვის და ყველას გვაწუხებს, განსაკუთრებით ბატონი თენგიზია ამით ძალიან დადარდიანებული, რა თქმა უნდა, ჩვენც, მაგრამ ის იბრძვის თითოეული სიცოცხლისთვის.

ვთვლი, რომ ვაქცინაცია უნდა გახდეს შემდეგი დღეებისა და თვეების მთავარი სლოგანი, გამოწვევა და დასაძლევი მიზანი", — თქვა მინისტრმა.

ჯანდაცვის მინისტრი ეკატერინე ტიკარაძე დღეს, 26 დეკემბერს სამინისტროს შემაჯამებელ ანგარიშს წარადგენს.