29 ნოემბერს თურქეთის უდიდეს ქალაქ სტამბოლსა და მიმდებარე რეგიონებში ძლიერი ქარის შედეგად, ოთხი ადამიანი დაიღუპა. მათ შორის ერთი უცხო ქვეყნის მოქალაქეა, დაშავდა 19, აქედან სამი კრიტიკულ მდგომარეობაშია.

ქვეყნის მეტეოროლოგიის სამსახურის გენერალური დირექტორის ცნობით, ორშაბათს სტამბოლში იგრძნობოდა ძლიერი ქარი საათში 130 კმ-მდე.

გავრცელებულ კადრებში ჩანს, რომ ქარმა შენობების ნაწილები ჩამოაგდო, მათ შორის ბეტონის სახურავები და კედლები. კადრებში ვხედავთ, რომ ფეხით მოსიარულეები მფრინავ ნამსხვრევებს გაურბიან.

უამინდობის გამო ბოსფორი მოძრაობისთვის ორივე მიმართულებით დაიკეტა, შეფერხდა ფრენები. იზმირიდან გადაღებულ კადრებში, ასევე, ზღვის დონის მატება ჩანს. შედეგად, წყლებით გავსო გზები.