თბილისის მერობის კანდიდატის, კახა კალაძის თქმით, მან ხმა კახა კალაძესა და ქართულ ოცნებას მისცა.

"მე ხმა მივეცი განვითარებას, იმას, რომ მეტი სიცოცხლე შევიტანოთ ყველა უბანში. რა თქმა უნდა, შემოვხაზე კახა კალაძე, 41, იმისთვის, რომ აღმშენებლობა, განვითარება, რაც გვაქვს დაწყებული 2017 წლიდან დედაქალაქში, გაგრძელდეს. ვერავინ და ვერაფერი შეაჩერებს ამ განვითარებას. ეს არის ის, რაც ყველაზე მეტად სჭირდება ამ ქალაქს. ბევრი მნიშვნელოვანი პროექტები განვახორციელეთ ბოლო წლების განმავლობაში. გვაქვს კონკრეტული ნაბიჯები გადადგმული ყველა მიმართულებით, რეფორმები, სიახლეები, ეს ყველაფერი აუცილებლად გაგრძელდება", — განაცხადა მან ხმის მიცემის შემდეგ.

მისივე თქმით, გამარჯვების დიდი იმედი აქვს, ვინაიდან ქართულ ოცნებას ყველა მუნიციპალიტეტში დიდი თანადგომა აქვს.

"ძალიან დიდი იმედი მაქვს გამარჯვების. ყველა მუნიციპალიტეტში ქართულ ოცნებას აქვს ძალიან დიდი თანადგომა და არჩევანის გაკეთებაც ძალიან მარტივია. ძალიან კარგად ვხედავთ მეორე მხარეს რა დგას და რა განსხვავებაა ჩვენსა და მათ შორის", — თქვა კალაძემ.