დიდი ხნის წინ დავიწყებული ვარსკვლავი ველ კილმერი მედია სივრცეში კვლავ აქტუალური გახდა, ამის მიზეზი კი მისი ტვიტერია, სადაც გამუდმებით ერთადერთ მსახიობზე - ქეით ბლანშეტზე წერს და მისით აღფრთოვანებას გამოხატავს.

ველი და ქეითი 2003 წელს ერთად თამაშობდნენ რონ ჰოვარდის ფილმში The Missing და როგორც კილმერმა ერთ-ერთ ინტერვიუში თქვა, ბლანშეტი ერთადერთი ცნობილი ქალია, რომელიც ოდესმე მოსწონებია.

"დამავიწყდა ჩემი სიტყვები, დამავიწყდა დიალოგები, სცენები, დამავიწყდა ისიც რომ გადასაღებ მოედანზე ვიყავი და ერთადერთი რაზეც ვფიქრობდი, იყო ის რომ მასთან ერთად ვთამაშობდი", - ამბობს კილმერი.

როგორც აღმოჩნდა, მსახიობს ქეითისადმი გრძნობები გადასაღებ მოედანზევე გასჩენია, თუმცა ამის შესახებ ხმამაღლა არასდროს უსაუბრია, თუმცა ბოლო პერიოდში მისი ტვიტერი ამ გრძნობების გამოსახატად იდეალური ადგილი გახდა.

როგორც ჩანს, სიყვარული იმდენად დიდია, რომ ველ კილმერი ავსტრალიაშიც კი ჩავიდა ქეითთან, თუმცა მის მაგივრად იქ მსახიობის მეუღლე შეხვდა.

ბოლო ორი სიზმარში კი ქეითი ნახა, სადაც საბედნიეროდ მისი ქმარი არ იყო.

"ის გასაგიჟებელი ადამიანია, სუპერ ვარსკვლავი", - წერს ველი.

და როცა ეუბნებიან, რომ მისი ეს პოსტები საშიშად გამოიყურება, ამბობს, რომ არაფერია საშიში იმაში, როცა ვინმე გიყვარს.

თუ უფრო მეტი გაინტერესებთ ველ კილმერისა და ქეით ბლანშეტის ურთიერთობაზე, შეგიძლიათ მსახიობის ტვიტერი დაათვალიეროთ.