დაავადებათა კონტროლის ცენტრის დირექტორმა, ამირან გამყრელიძემ საკოორდინაციო საბჭოს სხდომის მიერ გამართულ ბრიფინგზე ჟურნალისტების კითხვას ეპიდსიტუაციასთან დაკავშირებით დასმულ კითხვაზე განაცხადა, რომ ხისტი გადაწყვეტილებები იქნება საჭირო.

"გეთანხმებით, პროგნოზი არ არის საიმედო და შესაბამისად, დღესაც იქნა ეს დავალებები გაცემული, რომ მომზადდეს პაკეტი შემდგომი გადაწყვეტილებების, გეთანხმებით, რომ ხისტი გადაწყვეტილებები საჭირო იქნება", — განაცხადა მან.

20 ოქტომბრის მონაცემებით, საქართველოში კორონავირუსის 5 219 ახალი შემთხვევა დადასტურდა, გამოჯანმრთელდა — 2 348, ხოლო გარდაიცვალა 42 ადამიანი.

ბოლო 24 საათში ქვეყნის მასშტაბით ჩატარდა 57 301 კვლევა ტესტით, მათ შორის, 36 635 კვლევა ანტიგენის ტესტით და 20 666 PCR ტესტით.

რაც შეეხება დადებითობის მაჩვენებელს, 19 ოქტომბრის მდგომარეობით, დადებითობის დღიური მაჩვენებელი არის 9,11%, ბოლო 14 დღის — 8,79% ხოლო 7 დღის — 9,02%.

გაიგე მეტი: