დღეს მსოფლიო კინოეკრანებზე დისნეის ახალი ფილმის Beauty and the Beast-ის პრემიერა შედგება. ფილმში მთავარ როლს ემა უოტსონი ასრულებს.

როგორც ცნობილი გახდა, სტუდიამ ემა უოტსონს პრინცესა ბელის როლისთვის $3 მილიონი გადაუხადა, თუმცა კონტრაქტში ჩაიწერა, რომ იმ შემთხვევაში, თუ მზეთუნახავი და ურჩხული გაქირავებაში მალეფისენტს აჯობებს, მას დამატებით $15 მილიონს გადაუხდიან.

შესაბამისად, ემა ელოდება მოაგროვებს თუ არა მისი ფილმი $759 მილიონზე მეტს, რაც თუ მოლოდინებს გავითვალისწინებთ არც თუ ისე ძნელი საქმე იქნება, მით უმეტეს, თუ გავითვალისწინებთ, რომ კინოსურათმა პრემიერამდე რამდენიმე დღით ადრე უკვე მოახერხა და პირველი რეკორდი მოხსნა.

ფილმზე დასასწრებად რეკორდულად ბევრი ბილეთი გაიყიდა. თითქმის ანალოგიური შედეგი ჰქონდა პიქსარის ანიმაციურ ფილმს დორის ძიებაში, რომელმაც პრემიერამდე გაყიდული ბილეთებით $131 მილიონი იშოვა. მზეთუნახავი და ურჩხულის მიმართ მოლოდინი, როგორც ჩანს, უფრო მაღალია. ფილმმა გამოსვლამდე $140 მილიონის შემოსავალი მოიტანა.