თუ ზუმერის საშემოდგომო კამპანიის რგოლი ჯერ არ გინახავს, წინ დიდი სიამოვნება გელის. მორიგი წარმატებული რეკლამა ფეისბუქზე გავირუსდა და შეუძლებელია, მისი ყურებისას ნოსტალგიური ემოციებით არ აივსოთ.

ზუმერი ექსპერიმენტული და გამბედავი ვიდეორგოლებით გამოირჩევა. ამჯერად ახალ რეკლამაში ყოფილ პარლამენტარს, ენძელა მაჭავარიანს და ტელეწამყვან ია ფარულავას ხედავთ. როგორც უკვე მიხდვით, მასში ენძელა და იას ცნობილ ისტორიას მოისმენთ — "ყვავილები" მართლაც ფსიქოდელიურ პრერიებში სეირნობენ ფაეტონით.

კლიპის ერთ-ერთი მთავარი გმირი ახალგაზრდა ოლიმპიური ჩემპიონი ლაშა ბექაურია. რეკლამაში ის "გუდამაყრელი ნარუტოს" ამპლუაშია. მის კოსტიუმში როგორც ძიუდოს ტრადიციული ფორმის, ასევე ნარუტოს ჩაცმულობის ელემენტებს აღმოაჩენთ.

როგორც კომპანიაში ამბობენ, ზუმერი სარეკლამო რგოლით ახალი სასწავლო წლის დასაწყისსა და სექტემბრისთვის დამახასიათებელ საყიდლების ციებ-ცხელებას ეხმიანება. რეკლამაში ბავშვები ძველის ახლით ჩანაცვლებისკენ მოგვიწოდებენ, ზუმერის მთავარი გზავნილი კვლავ უცვლელი და მკაფიოა: "განაახლე, რას ელოდები?!"

ზუმერის მარკეტინგის დირექტორი, ეთო მერებაშვილი ამბობს, რომ პანდემიამ ადამიანების ტექნოლოგიების მიმართ დამოკიდებულება შეცვალა:

"თუ აქამდე ციფრული ტექნიკა უფრო მეტად ფუფუნების საგანი იყო, ახლა სმარტფონები, ლეპტოპები, პლანშეტები, სმარტსაათები და სხვა ტექ. აქსესუარები უკიდურესად პრაქტიკულ და საჭირო ნივთებად იქცა. ტექნიკა განსაკუთრებით მნიშვნელოვან როლს დისტანციურ სწავლასა და მუშაობაში თამაშობს".

ზუმერი მომხმარებლებს სახალისო რეკლამასთან ერთად დიდ ფასდაკლებებს და როგორც ყოველთვის — საუკეთესო, ზუმერულ ფასებს სთავაზობს.

ფოტო: ზუმერი

რგოლზე და მთლიანად საკომუნიკაციო სტრატეგიაზე კრეატიული სააგენტო ლივინგსტონის გუნდი მუშაობდა, რომელიც უკვე 4 წელია ზუმერის კამპანიების ავტორია.

კამპანიის კრეატიული დირექტორი და ლივინგსტონის დამფუძნებელი ლევან ლეფსვერიძე ამბობს, რომ ყოველ წელს ხალხის მოლოდინი მათთვის უფრო და უფრო დიდ კრეატიულ გამოწვევას ქმნის:

"წელს, იდეა ქართველების კოლექტიურ გონებაში კარგად გამჯდარ საბავშვო ხალხური ლექსების გარშემო ავაგეთ. ენძელა და ია ფაეტონში ზიან. ვიფიქრეთ რომ მაყურებლისთვის საინტერესო სანახავი იქნებოდა როგორ სხედან ფაეტონში ია და ენძელა, როგორ ჩამოვარდება ია და როგორ იტყვის უარს ახალ კაბაზე. თანაც ამბავი ისე მოვატრიალოთ, რომ 'ძველი მირჩევნია' აღქმა ჩავანაცვლოთ 'ახალს რა ჯობია'-თი და ხაზი გავუსვათ იმ ჭეშმარიტებას, რომ ზუმერში ახალი ტელეფონები, ლეპტოპები, აქსესუარები საუკეთესო - ზუმერულ ფასად იყიდება. შეფასება თქვენთვის მოგვინდია".

ზუმერში ვარაუდობენ, რომ მათი რეკლამა გავლენას ზოგადად ქართული სარეკლამო/კრეატიული ინდუსტრიის ტრენდებზეც მოახდენს.