უწყებათაშორის საკოორდინაციო საბჭოსთან არსებული ოპერაციული შტაბის უფროსის, გიორგი ღიბრაძის განცხადებით, პირბადე უნდა ვატაროთ ბაზრობებზე, ასევე, საზოგადოებრივი ტრანსპორტის გაჩერებებზეც. ამის შესახებ მან რუსთავი 2-ის ეთერში ისაუბრა.

"შეზღუდვა დარჩა და სავალდებულოა პირბადის ტარება დახურულ სივრცეებსა და საზოგადოებრივ ტრანსპორტში. ასევე, საზოგადოებრივი ტრანსპორტის გაჩერებებზე და ისეთ ადგილებში, სადაც კონცენტრაცია მოსახლეობის არის დიდი, პირობითად რომ განვიხილოთ, ბაზრობები, ბაზრები. ამ შემთხვევაში, ცხადია უნდა გავუფრთხილდეთ საკუთარ თავს და იქ პირბადე უნდა ვატაროთ", — განაცხადა მან.

თითქმის 8-თვიანი შეზღუდვის შემდეგ, კომენდანტის საათი იხსნება. ამის შესახებ 22 ივნისს საკოორდინაციო საბჭოს შემდეგ გახდა ცნობილი. შემსუბუქდა სხვა შეზღუდვებიც, თუმცა სხვადასხვა პირობითა თუ რეკომენდაციით.

  • 22 ივნისიდან სავალდებულო აღარ არის პირბადის ტარება ღია სივრცეებში;
  • პირველი ივლისიდან იხსნება კომენდანტის საათი.

გაიგეთ მეტი: