საქართველოსთვის უვიზო რეჟიმის შემოღებასთან დაკავშირებული რეგულაცია შესაძლებელია, რომ ევროკავშირის ოფიციალურ ჟურნალში 8 მარტს გამოქვეყნდეს, რის შემდეგაც, ზუსტად 20 დღეში, 28 მარტიდან ძალაში შევა.

ამის შესახებ, რადიო თავისუფლების ბრიუსელის ბიუროს კორესპონდენტი რიკარდ იოზვიაკი ტვიტერის საკუთარ გვერდზე წერს:

დღეს, 1 მარტს, ევროპარლამენტში, საქართველოს მოქალაქეებისათვის უვიზო მიმოსვლის შემოღებასთან დაკავშირებული რეგულაციის ხელმოწერის ცერემონიალი გაიმართება, რომელსაც პრემიერმინისტრი გიორგი კვირიკაშვილი დაესწრება.

საბოლოო ცვლილება რეგულაციაში, რომელიც შენგენის წევრ ქვეყნებში უვიზო მიმოსვლის შემოღებას ითვალისწინებს, ევროკავშირის საბჭომ 27 თებერვალს დაამტკიცა.