გიორგი გახარიას გუნდის წევრი, ანა ბუჩუკური ჯაფარიძის განცხადებაზე მუქარის წერილთან დაკავშირებით ამბობს, რომ ეს ყველაფერი დეტექტიური ჟანრის სერიალია.

"3 წლის განმავლობაში ბატონი ბადრი ან ბატონი ხაზარაძე რატომ არ საუბრობდნენ ამაზე? ხომ არ უკავშირდება ეს გიორგი გახარიას ახლებური როლით შემოსვლას ქართულ პოლიტიკაში? მართლა, ჩემი თხოვნაც იქნებოდა, რომ იქნებ ჰკითხოთ მას ეს. 3 წლის განმავლობაში რატომ არ ამბობდნენ იმას, რაც ბატონმა ბადრიმ ეთერში თქვა. ჩემთვის, გულწრფელად რომ გითხრათ, რაღაცნაირად დეტექტიურ სერიალს ჰგავს ეს ყველაფერი, ანუ პირველი სერია სამი წლის წინ იყო, ახლა მეორე სერია იწყება, ნუ როგორც ჩანს გაგრძელდება, მაგრამ ვნახოთ, დაველოდოთ. ეს ყველაფერი არის დეტექტიური ჟანრის სერიალი", — ამბობს ბუჩუკური ფორმულას ეთერში.

პარტია ლელოს გენერალურმა მდივანმა, ბადრი ჯაფარიძემ თქვა, რომ 2018 წლის საპრეზიდენტო არჩევნების მეორე ტურის წინ მუქარის წერილი მას მაშინდელმა პრემიერმინისტრმა, გიორგი გახარიამ პირადად გადასცა.