სენაკში დაკარგული არასრულწლოვანის ძებნა დღეს დილიდან განახლდა. როგორც On.ge-ს შსს-ში უთხრეს, ჯერჯერობით ახალი ცნობები არ მოეპოვებათ და ბავშვს კვლავ ეძებენ.

8 წლის ბავშვი სახლიდან 24 თებერვალს, დღის მეორე ნახევარში გავიდა სახლიდან. მისი ოჯახი სოციალურად დაუცველია.

როგორც დაკარგული ბავშვის მამამ საზოგადოებრივ მაუწყებელთან საუბრისას განაცხადა, მის შვილს გულის მანკი ჰქონდა. ის დასძენს, რომ ეჭვის მიტანა არავისზე შეუძლია.

ბავშვის მშობლები და ნათესავები შსს-მ უკვე დაკითხა.