წმ. პანტელეიმონ მკურნალის სახელობის ტაძრის სასულიერო პირმა, გიორგი ჩაჩავამ კორონავირუსის საწინააღმდეგო ვაქცინა გაიკეთა. ის პირველი მართლმადიდებელი სასულიერო პირია, რომელიც საჯაროდ აიცრა.

"ქვეყნის ეკონომიკა მეტს ვეღარ გაუძლებს. ჩვენ უნდა ვიზრუნოთ, რომ ქვეყანა ვითარდებოდეს. ბავშვები ვერ დადიან სკოლაში, წრეებზე, სპორტზე ვერ დადიან. ერთი წელიწადია ქვეყანა გაჩერებულია. ჩვენ სასწრაფოდ უნდა გავიაროთ ეს ვაქცინაცია იმისთვის, რომ ქვეყანა გაიხსნას და დავუბრუნდეთ ცხოვრების ჩვეულებრივ კალაპოტს", — განაცხადა სასულიერო პირმა.

მისი თქმით, ქვეყანაში "შავრაზმულმა პროპაგანდამ" იმუშავა, რომელსაც სურს ქვეყანა ჩაკეტილი იყოს და ეკონომიკა არ ვითარდებოდეს.