შალვა შავგულიძე თავისუფალი დემოკრატების თავმჯდომარე გახდა. ის პარტიის რიგით მეხუთე, ყრილობაზე დღეს, 19 თებერვალს აირჩიეს. მანამდე ამ თანამდებობაზე ირაკლი ალასიანია მუშაობდა, რომელიც პარტიის წევრად კვლავ რჩება. ცვლილებები უკვე ასახულია პარტიის ვებგვერდზეც.

დღესვე, პარტიის გენერალური მდივნის თანამდებობაზე აირჩიეს თამარ კეკენაძე, პოლიტიკური მდივნის თანამდებობაზე ნინო გოგუაძე, აღმასრულებელი მდივნის პოსტზე კი ლევან სამუშია.

გამგეობის წევრები კი გახდნენ: შალვა შავგულიძე, ნინო გოგუაძე, თამარ კეკენაძე, ლევან სამუშია, დევი ტაბიძე, თინათინ რევაზაშვილი, ემზარ კაკულია და ვახტანგ მჭედლიძე.