Wizz Air საქართველოს ბაზარზე ფრენებს ანახლებს. აეროპორტების გაერთიანების ინფორმაციით, 18 აპრილიდან ფრენები აღდგება ვილნიუსისა და ვარშავის მიმართულებით, მაისიდან კი დაემატება ფრენები რიგასა და დორტმუნდში.

კომპანიის ვებგვერდზე უკვე შესაძლებელია ბილეთები დაჯავშნა, თუმცა ფასი სტანდარტულზე მაღალია. მაგალითად, 18 აპრილს ვარშავის მიმართულებით დაგეგმილ ფრენაზე ბილეთის ფასი 579 ლარიდან იწყება, 25 აპრილს კი 759 ლარიდან. რაც შეეხება ვილნიუსს, პირველი ფრენა 2 მაისსა დაგეგმილი და ბილეთის ფასი 279 ლარიდან იწყება, მომდევნო ფრენაზე, 9 მაისს კი 259 ლარიდან.

კორონავირუსთან დაკავშირებული უწყებათაშორისი საკოორდინაციო საბჭოს გადაწყვეტილებით, 2020 წლის 21 მარტიდან საჰაერო მიმოსვლა სრულად შეწყდა. რამდენიმე თვის განმავლობაში ფრენის უფლება მხოლოდ საქართველოს ავიახაზებს ჰქონდა, რომელიც სპეცრეისებს ასრულებდა. ფრენების აღდგენა ეტაპობრივად დაიწყო