პარლამენტში პატრიოტთა ალიანსის სიით შესული დეპუტატი ფრიდონ ინჯია ამბობს, რომ 31 ოქტომბრის არჩევნები ქართულმა ოცნებამ მოიგო და მისთვის გაუგებარია ვადამდელი არჩევნების პირობები.

"ყველამ ვიცით, რომ ეს არჩევნები 31 ოქტომბერს "ოცნებამ" მოიგო, გინდაც ერთი ხმით. თუ ჩვენ ვაშენებთ სამართლებრივ ქვეყნას და არის კანონის უზენაესობა, მაშინ "ოცნება" თავის ადგილზე უნდა იყოს", — განაცხადა ფრიდონ ინჯიამ.

მისთვის გაუგებარია საგამოძიებო კომისიის შექმნაში იმ პირობის ჩადება, რომ ერთპროცენტიანი გადაცდომის შემთხვევაში ვადამდელი არჩევნები დაინიშნება.

"რატომ ვევაჭრებით? რატომ ვდებთ იქ ერთი პროცენტი იქნება თუ ორი პროცენტი, რატომ უნდა იყოს ეს? აქ არის ხალხი "ოცნებიდან", რომელსაც ბევრს ვიცნობ და იციან, განსაკუთრებით მაჟორიტარებმა, რომ მართლაც მოიგეს. ამათ არ ეკითხებიან და ისე ითხოვენ, რომ იყოს ახალი არჩევნები. ყოველგვარი არგუმენტაციის გარეშე. ამას ელაპარაკებიან და ითხოვენ ვისგან, პარლამენტის თავმჯდომარისგან, ფრაქციის თავმჯდომარისგან, პარტიის თავმჯდომარისგან. "ოცნების" დეპუტატებს არავინ ეკითხებიან, გინდათ თქვენ", — აღნიშნა ინჯიამ.