პარლამენტში მთავრობის დანტკიცების პარალელურად პარლამენტთან აქციები გაიმართა, რომელიც მოძრაობა სირცხვილიას და ევროპული საქართველოს ახალგაზრდული ფრთის მიერ იყო ორგანიზებული.

ევროპული საქართველოს ახალგაზრდული ფრთის წარმომადგენლებმა საკანონმდებლო ორგანოსთან რუსული ფეჩი მოიტანეს, რაც მათი აზრით, ქართული ოცნების საბოლოოდ დანიშნულებას გამოხატავს. აღნიშნულ კონსტრუქციას აქვს სხვადასხვა წარწერა ქართულ, რუსულ და ინგლისურ ენებზე.

ფოტო: ანა ვახტანგაძე/On.ge

ფოტო: ანა ვახტანგაძე/On.ge

ფოტო: ანა ვახტანგაძე/On.ge

"გვინდოდა პარალელი გაგვევლო დღევანდელ არალეგიტიმურ ხელისუფლებასა და რუსეთს შორის, ტომელიც ყოველდღიურად იმყარებს საქართველოში პოზიციებს", — ამბობს ანა ქართლელიშვილი.

როგორც იგი აღნიშნავს, აქცია მშვიდობიანი ფორმით მიმდინარეობდა, თუმცა ერთ-ერთმა აქტივისტმა დროებით კედელზე წარწერის დატოვება სცადა, რა დროსაც ის დააკავეს.

როგორც On.ge-ს შინაგან საქმეთა სამინისტროში განუცხადეს, აღნიშნული პირი ადმინისტრაციულ სამართალდარღვევათა კოდექსის 173-ე მუხლის საფუძველზე დააკავეს.

მოგვიანებით ადგილზე მივიდნენ მოძრაობა სირცხვილიას წარმომადგენლები, რომლებმაც პარლამენტთან დატოვეს სტენსილები "Never back to USSR".

ფოტო: ანა ვახტანგაძე/On.ge

ფოტო: ანა ვახტანგაძე/On.ge