კორონავირუსის პანდემიამ ბევრი ჩვენგანი სახლში გამოკეტა. თვითიზოლაცია ადამიანების უმეტესობისთვის მოსაწყენი და რუტინულია. ამის ფონზე, მარტოობასთან ბრძოლაში ჩვენი ოთხფეხა მეგობრები ნამდვილად გვეხმარებიან, მაგრამ ბევრი მათ ყოლას ალერგიის, ან სხვა მიზეზებიდან გამომდინარე ვერ ახერხებს.

სწორედ ამიტომ, საქმეში ტექნოლოგიები ჩაერთვნენ; კომპანია Yukai Engineering-მა შექმნა Qoobo, რობოტი ბალიში, რომელიც ბევრი რამით შინაურ ცხოველს გვაგონებს. ის ბალიშის ფორმის არის და აქვს კუდი, რომელსაც ჩახუტების დროს, ცხოველივით ათამაშებს.

შემქმნელების თქმით, რობოტთან კომუნიკაცია ერთგვარი თერაპიაა, რომელიც თქვენს გულს ათბობს და გექმნებათ შთაბეჭდილება თითქოს ფუმფულა ცხოველს ეხუტებით. კომპანიის მიზანია დაეხმაროს ადამიანებს, ვისაც შინაურ ცხოველებზე ალერგია აქვთ და მათთან კომუნიკაციას ვერ ახერხებენ.

რობოტის შექმნისას განსაკუთრებული ყურადღება მის ზომას, წონას და სტრუქტურას ექცეოდა, რათა მასთან ინტერაქცია მაქსიმალურად კომფორტული ყოფილიყო.

"ცხოველის კუდის მოძრაობას აქტიურად ვსწავლობთ და ამ გამოცდილების გაზიარებას ჩვენს ტექნოლოგიებში ვცდილობთ. ამ მხრივ, მომხმარებელს კიდევ უფრო რეალისტურ და დამაჯერებელ რობოტებს შევთავაზებთ." — ამბობენ კომპანიაში.

კომპანიის სლოგანია: "გახადეთ ცხოვრება უფრო სახალისო." ეს ინოვაციური რობოტი, რომელიც ერთდროულად ბალიშიც არის და თან შინაურ ცხოველსაც მოგაგონებთ, შეიძლება უცნაური გეჩვენოთ, მაგრამ ბევრს ცხოვრებას ნამდვილად გაუხალისებს.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.