ლიეტუვამ საქართველოს მიმართებით ოფიციალურ სახელწოდებად "Sakartvela" დაამტკიცა. რაც ნიშნავს, რომ ყველა ოფიციალურ დოკუმენტში "Grzuzia-ს" ამ სახელწოდებით ჩაანაცვლებენ.

"ახლა Sakartvela ოფიციალური სახელია", — განაცხადა გამოცემა BNS-თან ლიეტუვური ენის სახელმწიფო კომისიის თავმჯდომარემ აუდრიუს ანტანაიტისმა.

2018 წლის მაისში კომისიამ დაუშვა "Sakartvela", როგორც ქვეყნის მანამდე არსებული ოფიციალური სახელწოდების "გრუზიას" ალტერნატივა.

"ჩვენ გარდამავალი პერიოდი გვჭირდებოდა, რათა შეგვეხედა, თუ მიიღებდა საზოგადოება ამ სახელწოდებას. როგორც ჩანს, მან ძალიან მალე დაიმკვიდრა ადგილი. მე ვვარაუდობდი, რომ ამას 20 წელი დასჭირდებოდა, თუმცა ამას მხოლოდ ორი წელი დასჭირდა. ნამდვილი მოულოდნელობა იყო", — განაცხადა ანტანაიტისმა.

მისივე თქმით, "გრუზია" რჩება ალტერნატივად და მისი გამოყენება საჯაროდ დასაშვები იქნება.