აშშ-ში Moderna-ს ვაქცინა დაამტკიცეს და საგანგებო შემთხვევებისთვის მისი გამოყენება დასაშვები გახდა.

ამ ეტაპზე დაგეგმილია, Modernas-ს 5,9 მილიონი დოზა ქვეყნის 64 შტატში გადანაწილდეს და დამატებით 200 მილიონი დოზა შეიქმნას. ეს მეორე ვაქცინაა, რომელიც FDA-მ დაამტკიცა.

Moderna-მ COVID-19-ის ვაქცინის ეფექტიანობა 30 000 ადამიანზე შეამოწმა და განაცხადა, რომ ვაქცინა ეფექტიანია 94.1% შემთხვევაში. კვლევის საბოლოო შედეგის მიხედვით, ამ ვაქცინას დაავადების მძიმე ფორმების წინააღმდეგ 100%-იანი ეფექტიანობა აქვს.

Moderna-მ აშშ-ის მთავრობისგან, ოპერაცია Warp Speed-ის ფარგლებში ერთ მილიარდ დოლარიანი დაფინანსება მიიღო. Moderna-ს აღმასრულებელი დირექტორი სტეფანე ბანსელი ამბობს, რომ ფედერალური დაფინანსება მთლიანად კლინიკურ ტესტირებას მოხმარდა.

ბანსელი ამბობს, რომ მოდერნას ვაქცინა, პირველ რიგში, რისკ ჯუფებს უნდა ერგოთ: ჯანდაცვის მუშაკებს, მოხუცებს, დიაბეტიან და გულ-სისხლძარღვთა დაავადების მქონეებს.

ვაქცინის გაყიდვას Moderna განვითარებულ ქვეყნებში 32-37 დოლარად გეგმავს, თუმცა განვითარებად ქვეყნებში ფასი, სავარაუდოდ, ნაკლები იქნება.