მაცივრის გამოგონებამ არსებითად შეცვალა და გააუმჯობესა კაცობრიობის ცხოვრება — ამჟამად მის გარეშე კომფორტული არსებობა პრაქტიკულად შეუძლებელია.

მაცივრის შერჩევისას ყველას სურს, რომ მოწყობილობა ემსახუროს დიდხანს, არ ფუჭდებოდეს, მუშაობდეს უხმაუროდ და თანაც ჰქონდეს ხელმისაწვდომი ფასი. ასევე მნიშვნელოვანია, რომ აგრეგატი შეესაბამებოდეს ინტერიერს, იყოს ეკონომიური და კომფორტული. თუკი ჯერ ვერ შეარჩიეთ მოდელი, რომელიც ამ ყველა მოთხოვნას აკმაყოფილებს, სწორედ თქვენთვის არის რეკომენდებული მოცემული სტატიის წაკითხვა.

ზომა და მოცულობა

პირველი, რასაც უნდა მივაქციოთ ყურადღება, გახლავთ მაცივრის ზომა. ამ მახასიათებლის მიხედვით არსებობს შემდეგი ტიპის მოწყობილობები:

  • პატარა (სიმაღლე 1 ან 1,5 მეტრი, სიგანე - 59 სმ-მდე);
  • სტანდარტული (სიმაღლე 1,71-1.85 მეტრი, სიგანე - 60 სმ);
  • ევროპული სტანდარტი (1,86 – 2 მეტრი, სიგანე - 60-80 სმ);
  • Side-by-Side (1.86-2 მეტრი, სიგანე - 90-120 სმ).

გაყინვის სისტემა

გავრცელებული ტიპებია:

წვეთოვანი სისტემა — კომპრესორის მუშაობის შედეგად მაცივრის უკანა კედელზე ჩნდება ყინული, კომპრესორის გათიშვის შემდეგ კი დნება. წვეთები ჩაედინება სპეციალურ რეზერვუარში და აორთქლდება.

მშრალი ყინვის სისტემა (No Frost) — ხელს უშლის კონდენსატის გაჩენას და ქმნის მშრალ მიკროკლიმატს;

ფოტო: Sold.ge

მოცულობა

სასარგებლო მოცულობა - ეს არის მაჩვენებელი, რომელიც ასახავს რა რაოდენობის პოდუქტი შეიძლება მოთავსდეს მაცივარში ნორმების თანახმად. მოცულობის გათვალისწინება საჭიროა განსაზღვრისთვის - საკმარისი იქნება თუ არა შერჩეული მოდელი მთელი ოჯახის სამყოფი სურსათის შესანახად.

  • 250 ლიტრამდე მოცულობის კამერა საკმარისია 1-2 ადამიანისთვის;
  • 250-300 ლიტრი - 3 ადამიანისთვის;
  • 300 – 350 ლიტრი - 4-5 ადამიანისგან შემდგარი ოჯახისთვის;
  • 500 ლიტრზე მეტი მოცულობის საჭიროების შემთხვევაში შეგიძლიათ შეიძინოთ side-by-side ტიპის მაცივარი.

კომპრესორის ტიპი

მაცივრის შერჩევისას მნიშვნელოვანი დეტალია კომპრესორის ტიპის გათვალისწინება:

ხაზობრივი კომპრესორი სწრაფად აცივებს მითითებულ ტემპერატურამდე, ჩართვა-გამორთვისას უხმაუროა და მუშაობს ვიბრაციების გარეშე;

ინვერტორული კომპრესორი საერთოდ არ ითიშება. იგი უბრალოდ ამცირებს სიმძლავრეს და ინარჩუნებს განსაზღვრულ ტემპერატურას.

კლიმატის კლასი

ექსპლუატაციის პირობების შესაბამისად გამოიყოფა ოთხი ტიპის კლიმატის კლასი:

  • N - ექსპლუატაცია +16 °С - +32 °С ტემპერატურაზე. გამოდგება თითქმის ყველა ტიპის ბინისთვის;
  • SN - ექსპლუატაცია +10 °С - +32 °С ტემპერატურაზე. რეკომენდებულია შედარებით გრილი ადგილებისთვის.
  • ST – ექსპლუატაცია +18 °С - +38 °С ტემპერატურაზე. ხელსაყრელია რეგიონებისთვის, სადაც ცხელა.
  • Т – ექსპლუატაცია +18 °С - +43 °С ტემპერატურაზე. ამ ტიპის კლასის მქონე მაცივარი გამოადგება მათ, ვინც ცხოვრობს მეტისმეტად ცხელ რეგიონში, ან ისეთ შემთხვევაში , თუკი მოწყობილობას მზის პირდაპირი სხივები ხვდება.

ენერგოეფექტურობა

ენერგომოხმარების კლასი გახლავთ მოწყობილობის ეკონომიურობის მაჩვენებელი. არსებული ტიპებიდან ყველაზე მისაღებია A კლასი. თანამედროვე, მაღალტექნოლოგიური მოდელების კლასია А+ და А++. ასევე მისაღებია B კლასიც.

ენერგომოხმარების დონე არის მსოფლიო დონის სტანდარტი და მოქმედებს ყველგან. ვნახოთ, რა რაოდენობის ენერგიას მოიხმარს სხვადასხვა კლასის მაცივრები:

  • А, А+, А++: - 55%-მდე. საუკეთესო ვარიანტია А++: 30%-მდე მაჩვენებლით.
  • В: 75%-მდე;
  • С: 90%-მდე;
  • D მის ქვემოთ: 90-დან 125 %-მდე.

თანამედროვე მაცივრები, სპეციალისტების გამოთვლით, წელიწადში საშუალოდ 200-დან 450 კვტ/სთ ენერგიას ხარჯავენ.

ფოტო: Sold.ge

დამატებითი ფუნქციები და მახასიათებლები

გაგაცნობთ რამდენიმე სასარგებლო მახასიათებელს, რომლებიც თანამედროვე მაცივრებში გვხვდება:

ბავშვებისგან დაცვა: ზოგიერთი მოდელის უსაფრთხოება ღილაკების მიუწვდომლობაში მდგომარეობს, ზოგიერთში კი — მართვის პანელისა და კარის ბლოკირებაში.

ანტიბაქტერიული ზედაპირი — ზედაპირის ვერცხლის რეაგენტის ძალიან თხელი ფენით დაფარვა აფერხებს ისეთი ბაქტერიის გამრავლებას, რამაც შეიძლება დააჩქაროს საკვების გაფუჭება და გამოიწვიოს უსიამოვნო სუნი.

სუპერგაყინვა — შესაძლებელია საყინულე განყოფილებაში შენარჩუნდეს სტანდარტულ -18 °C-ზე ნაკლები ტემპერატურა. შედეგად პროდუქტი იყინება უფრო სწრაფად და უკეთ ინარჩუნებს გემოსა და სარგებლიანობას.

გამჭვირვალე სათავსოები — ერთი შეხედვით უმნიშვნელო დეტალია, თუმცა მათში ადვილია საჭირო სურსათის მოძებნა.

მაშ ასე, ტექნიკური მახასიათებლების გარდა საჭიროა გავითვალისწინოთ შემდეგი: რა ფართობს დაიკავებს მაცივარი, რამდენი უნდა იყოს სიმაღლე და ტევადობა. და გვახსოვდეს — ფასი ყოველთვის არ არის ხარისხის მთავარი ფაქტორი: მოწყობილობა, რომელიც მუშაობს მუდმივად, უნდა იყოს პრაქტიკული, ეკონომიური და საიმედო.

მაცივრების ფართო არჩევანი შეგიძლიათ იხილოთ ვებგვერდზე: https://sold.ge