სტრატეგია აღმაშენებლის ერთ-ერთი წევრის, თაკო ჩარკვიანის თქმით, გრძნობს, რომ პარლამენტში ვიღაც შევა, მაგრამ, მისივე თქმით, რამდენად გადაწყვეტენ და გაბედავენ საკანონმდებლო ორგანოში შესვლას, ეს კიდევ მეორე საკითხია.

"ვგრძნობ, ვიღაც შევა პარლამენტში, მაგრამ რამდენად გადაწყვეტენ და გაბედავენ, ეს კიდევ მეორე საკითხია. ძალიან დიდი ტვირთია, შეხედო მოსახლეობას თვალებში და უთხრა ხალხს, რომ მე ახლა შევდივარ პარლამენტში", — თქვა ჩარკვიანმა გადაცემა თავისუფალ სივრცეში.

ჩარკვიანის თქმით, ისინი ვინც პარლამენტში შევლენ არასამართლებრივ სუბიექტებად გადაიქცევიან.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს და ბოიკოტი გამოუცხადეს არჩევნების მეორე ტურსაც, რომელიც 21 ნოემბერს ჩატარდა. მასში არცერთი ოპოზიციური პარტია მონაწილეობდა. 17 მაჟორიტარულ ოლქის გარდა, მეორე ტური გაიმართა ქუთაისის მერობის არჩევნებზეც. როგორც მოსალოდნელი, ოპოზიციის გარეშე ჩატარებულ არჩევნებში, სახელისუფლებო პარტიამ გაიმარჯვა.

მეორე ტური მიმდინარეობდა იმ ვითარების ფონზეც, რომ პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიცურ პარტიებს შორის მოლაპარაკებები მიმდინარეობს. ოპოზიციაში აცხადებენ, რომ მათი მოთხოვნები არ იცვლება და რიგგარეშე არჩევნებს მოითხოვენ. თავისი პოზიციების დათმობაზე უარს ამბობს ხელისუფლებაც. როგორც ქართულ ოცნებაში განმარტავენ, რიგგარეშე არჩევნების ჩატარებას არც განიხილავენ.

აშშ-ის და ევროკავშირის საელჩო ოპოზიციას მოუწოდებენ, პარლამენტში შევიდნენ, ვინაიდან მათთვის ერთპარტიული პარლამენტი მიუღებელია.