ფრაქცია ქართულმა ოცნებამ საკონსტიტუციო სასამართლოს მოსამართლის პოსტზე მანანა კობახიძის კანდიდატურა წარადგინა. განცხადება ამის შესახებ დღეს, ფრაქცია ქართული ოცნების თავმჯდომარემ, მამუკა მდინარაძემ გააკეთა.

გადაწყვეტილებას დღეს, 18 საათზე ბიუროს სხდომაზე განიხილავენ, სადაც ოფიციალურად გადაწყდება დაიკავებს, თუ არა კობახიძე მოსამართლის პოსტს 10 წლის ვადით.

მამუკა მდინარაძის თქმით, კობახიძის კანდიდატურა ყველაზე ოპტიმალური ვარიანტი იყო. მისივე თქმით, გადაწყვეტილებაში არანაირი ინტერესთა კონფლიქტი არ იკვეთება.

ქართული ოცნების გარდა, კობახიძის კანდიდატურას მხარს დაუჭერს პატრიოტთა ალიანსის ექვსივე წევრი. რაც შეეხება სხვა საპარლამენტო უმცირესობებს, ისინი კობახიძის კანდიდატურას კატეგორიულად ეწინააღმდეგებიან.

მანანა კობახიძე მე-8 მოწვევის პარლამენტის წევრი და ვიცე-სპიკერ იყო.