უკვე ვიცით, რომ რობინ უილიამსს ჰარი პოტერში ჰაგრიდის როლზე უარი უთხრეს, თუმცა დაწუნებულებში არც პირველი იყო და არც უკანასკნელი, ბევრმა მსახიობმა კი თავად თქვა უარი როულინგის წიგნის ეკრანიზაციაში მონაწილეობაზე.

იან მაკკელენი - ალბუს დამბლდორი

ნაომი უოთსი - ნარცისა მალფოი

ნაომი უოთსი უკვე გადასაღებ მოედანზე იმყოფებოდა, როდესაც მისმა აგენტმა დაურეკა და სთხოვა უარი ეთქვა ნარცისა მალფოის როლზე.

ლიამ ეიკენი - ჰარი პოტერი

ლაიამს მაყურებელი ფილმ დედინაცვალიდან იცნობს, სადაც ჯულია რობერტსთან და სიუზან სარანდონთან ერთად თამაშობს. ერთადერთი მიზეზი რის გამოც მსახიობს როლზე უარი უთხრეს, მისი წარმომავლობა იყო, ლიამი ბრიტანელი არ არის, რაც როულინგის აუცილებელი მოთხოვნა იყო სანამ ეკრანიზაციის უფლებას გაყიდდა.

ტილდა სუინტონი - სიბილ ტრელოუნი

ემა ტომსფონამდე სიბილ ტრელოუნის როლზე ტილდა სუინტონი იყო დამტკიცებული. ეს სწორედ ის შემთხვევაა, როცა ვერ იტყვი რომელ მსახიობს სჯობდა ეთამაშა.

ჰიუ გრანტი - გილდეროი ლოკჰარტი

ჰიუ გრანტი საბოლოოდ კენეტ ბრანამ ჩაანაცვლა.

როზამუნდ პაიკი - რიტა სკიტერი

როზამუნდი პროდიუსერების პირველი არჩევანი იყო დილის მისნის ჟურნალისტის როლზე, თუმცა მან თავად თქვა უარი ამ პერსონაჟის განსახიერებაზე.

ქეით უინსლეტი - ჰელენა რეივენქლო

ქეითს ძალიან პატარა, მაგრამ მნიშვნელოვანი როლი უნდა ეთამაშა ჰარი პოტერში, მაგრამ როგორც ცნობილია ის ამ დროს სხვა პროექტზე მუშაობდა.

ტიმ როტი - სევერუს სნეიპი

საინტერესოა რას გრძნობს ახლა ტიმ როტი, როდესაც სევერუს სნეიპის როლზე მხოლოდ იმიტომ თქვა უარი, რომ მაიმუნების პლანეტაში ეთამაშა.

დევიდ ტიულისი - პროფესორი ქვირელი

ბობ ჰოსკინსი - ჰორაციუს სლაგჰორნი

ჯეიმი კემპბელ ბოუერი - ტომ რიდლი

ჯეიმის ძალიან სურდა ტომ რიდლის როლის თამაში, თუმცა მოგვიანებით Twilight-ში მიიწვიეს და ამის გამო ჰარი პოტერში თამაში გადაიფიქრა.