მარნეულის საუბნო კომისიის თავმჯდომარის, ანა ილურიძის განცხადებით, სოფელ დამია გეორარხში მე-18 უბანზე დაკარგული შემაჯამებელი ოქმი იპოვეს. როგორც ილურიძემ On.ge-ს განუცხადა, ოქმი მას სამართალდამცავებმა დაუბრუნეს. რაც შეეხება ოქმის სანდოობაზე დასმულ კითხვას, კომისიის თავმჯდომარემ გვითხრა, რომ ეს კითხვა არ უნდა გაგვჩენოდა.

"რატომ მისვამთ ამ კითხვას? მაშინ, როცა გადარჩა ოქმი და გატარდა. არ გინახავთ ეს ოქმი, თორემ არ გაგიჩნდებოდათ ეს კითხვა", — გვითხრა ანა ილურიძემ.

მარნეულის სოფელ დამია გეორარხში მე-18 უბანზე შემაჯამებელი ოქმი, გუშინ, 31 ოქტომბერს, დაიკარგა. შედეგად, ხმების დათვლის პროცესი შეფერხებულად მიმდინარეობდა.