გაერთიანებული ოპოზიციის მაჟორიტარობის კანდიდატმა ქუთაისში, გრიგოლ ვაშაძემ საკუთარი არჩევანი დააფიქსირა. მისი თქმით, პირველივე ტურში გამარჯვების იმედი აქვს.

"განწყობები ისეთია ქუთაისში, რომ წესით, უნდა მოვიგოთ პირველ ტურში. პარლამენტი იქნება ისეთი, როგორიც არ ყოფილა საქართველოში არასოდეს: იქნება მრავალპარტიული, იქნება ძალიან განსხვავებული და იქნება ძალიან ძნელად სამართავი, რაც არის კარგი, იმიტომ რომ პარლამენტი არ უნდა იყოს რეზინის შტამპი, რომელსაც ქვეყნის ერთპიროვნული მმართველი ურახუნებს იმ კანონპროექტებს, რომელიც მას მოსწონს", — თქვა ვაშაძემ.

გრიგოლ ვაშაძემ ასევე ისაუბრა იმ დარღვევებზე, რომლებსაც მისი პარტიის წარმომადგენლები საარჩევნო უბნებზე აფიქსირებენ:

"მთავარი პრობლემა ახლა არის გადასატანი ყუთები... ყველანაირად ცდილობს ქართული ოცნება ხელიდან გაპარული ხელისუფლების შენარჩუნებას".

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: