დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს დირექტორი, თენგიზ ცერცვაძე ამბობს, რომ სულ ერთეული შემთხვევა იყო, როცა პაციენტი მარტო კორონაივრუსით გარდაიცვალა. ამის შესახებ მან ჟურნალისტებს ჯანდაცვის სამინისტროში შეხვედრის შემდეგ განაცხადა.

მისივე თქმით, ძირითადი ტენდეცია ისაა, რომ გარდაცვლილთა დიდი ნაწილი 70 წელს გადაცილებული ხალხია, რომელთაც თანმხლები დაავადებები ჰქონდათ. ცერცვაძის განმარტებით, გარდაცვლილთაგან, დაახლოებით, 10 პროცენტი არის 65 წლის ქვემოთ.

"გამოისახა ტენდენცია, რომ კოვიდის დროს მოსალოდნელია სწრაფი დამძიმება და თუ არ იქნა მყისიერი რეაგირება, შეიძლება, პაციენტი გარდაიცვალოს გართულებით, გულის გაჩერებით ან სხვა პათოლოგიით. ძირითადად, ერთეული შემთხვევები იყო, როდესაც მარტო კოვიდით გარდაიცვალა, სულ 2-3 შემთხვევა", — განაცხადა მან.

13 ოქტომბერს საქართველოში კორონავირუსის 569 ახალი შემთხვევა დაფიქსირდა. გამოჯანმრთელდა — 329, ხოლო გარდაიცვალა — 9.

სულ ქვეყანაში 12 841 შემთხვევაა გამოვლენილი, მათ შორის 6 867 გამოჯანმრთელდა, ხოლო 102 გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: