WizzAir-ის განცხადებით, ფრენების გასაახლებლად მზად არიან. როგორც კომპანიაში ამბობენ, მუდმივ კომუნიკაციასა და კოორდინაციაში არიან საქართველოს მთავრობასთან.

"WizzAir მზად არის, განაახლოს ფრენები, როგორც კი მიღებული რეგულაციები მოგვცემს ამის საშუალებას.

ქუთაისი-რიგის მიმართულებით ფრენები განახლდება 4 ოქტომბრიდან — ბილეთები უკვე შეგიძლიათ დაჯავშნოთ wizzair.com–ზე ან ავიაკომპანიის მობილური აპლიკაციის საშუალებით. Wizz Air დროულად აცნობებს მგზავრებს ნებისმიერი სხვა მიმართულებით ფრენების განახლების შესახებ", — ნათქვამია განცხადებაში.

როგორც პრემიერმინისტრმა აღნიშნა ფრენები პირველი ოქტომბრიდან აღდგება, WizzAir-ში კი აზუსტებენ, რომ ფრენებ ოფიციალურად 4 ოქტომბრიდან განაახლებენ. როგორც მთავრობის სხდომაზე პრემიერმინისტრმა, გიორგი გახარიამ თქვა, კვირაში ერთი რეისი შესრულდება.

11 სექტემბერს ცნობილი გახდა, რომ საერთაშორისო რეგულარულ საჰაერო მიმოსვლიაზე დაწესებული შეზღუდვები პირველ ნოემბრამდე გახანგრძლივდა. შეზღუდვა არ ვრცელდება იმ პირდაპირ საერთაშორისო რეისებზე, რომლებიც სრულდება თბილისის საერთაშორისო აეროპორტსა მიუნხენის, პარიზისა და რიგის აეროპორტებს შორს.

კორონავირუსთან დაკავშირებული უწყებათაშორისი საკოორდინაციო საბჭოს გადაწყვეტილებით, 21 მარტიდან საჰაერო მიმოსვლა სრულად შეწყდა. რამდენიმე თვის განმავლობაში ფრენის უფლება მხოლოდ საქართველოს ავიახაზებს ჰქონდა, რომელიც სპეცრეისებს ასრულებდა.

ამ დროისათვის საქართველოდან რეგულარული ფრენები გერმანიასთან, საფრანგეთთან და ლატვიასთან სრულდება. სხვა ქვეყნებთან სრულდება მხოლოდ ჩარტერული რეისები, რომლებსაც ქვეყნებიდან საქართველოს მოქალაქეები ჩამოჰყავს.