ჟურნალ People-ის ცნობით, სერიალ შერლოკის მსახიობები მარტინ ფრიმანი და ამანდა ებინგთონი 15-წლიანი თანაცხოვრების შემდეგ ერთმანეთს დაშორდნენ.

Financial Times-თან ინტერვიუში მარტინ ფრიმანმა თქვა, რომ ის და ამანდა ერთად აღარ არიან, თუმცა მეგობრობას აგრძელებენ. მსახიობმა აღნიშნა ისიც, რომ მას ამანდა ყოველთვის ეყვარება.

ფრიმანის ინტერვიუს დიდი მითქმა-მოთქმა მოჰყვა, წყვილის განქორწინებას უამრავი ადამიანი გამოეხმაურა სხვადასხვა სოციალურ ქსელში. ამანდას ოფიციალური განცხადება არ გაუკეთებია, თუმცა საკუთარ გულშემატკივრებს მხარდაჭერისთვის მადლობა გადაუხადა.

წყვილი ხშირად თამაშობდა ცოლ-ქმარს სხვადასხვა ფილმებსა თუ სერიალში, მათ შორის იყო შერლოკიც.