საჰარის უდაბნო ერთ-ერთი ყველაზე ცხელი ადგილია დედამიწაზე. საშუალო ტემპერატურა აქ 30 გრადუსია, რაც კიდევ უფრო უცნაურს ხდის იმ ამბავს, რომ ალჟირის ქალაქ აინ სეფრეში წითელი ქვიშა თეთრმა თოვლმა დაფარა.

უცნაურმა მოვლენამ უამრავი ადამიანის ყურადღება მიიპყრო. ფოტოგრაფი კარიმ ბუჩეტატა ამბობს: "ასეთი რამ ძალიან იშვიათად ხდება. საოცარი სანახავი იყო ამ გარემოში ფიფქები. ბუნებამ საკმარისი დრო მომცა, რომ ფოტოები გადამეღო, 1 დღის შემდეგ კი თოვლი დადნა".

წითელი ქვიშის ფონზე მიმოფანტული თოვლი მართლაც ოპტიკურ ილუზიას ჰგავს და ფერთა ძალიან იშვიათი შეხამებაა.

ფოტო: Geoff Robinson Photography

პირველად საჰარის უდაბნოში 1979 წლის თებერვალში მოთოვა და ეს საოცარი მოვლენა მაშინაც ალჟირში დაფიქსირდა.