ქუთაისში ინტენსიურად მოსულმა უხვმა ნალექმა რამდენიმე ქუჩა დატბორა. ქუთაისის მერის ინფორმაციით, ძლიერი წვიმის შედეგად, ქალაქის ცენტრალურ ნაწილთან ერთად, დაიტბორა ფოთის, ავტომშენებლისა და აღმაშენებლის ქუჩები. წყალმა დატბორა მოსახლეობის ეზოები, სარდაფები და რამდენიმე საცხოვრებელი სახლის პირველი სართული.

მერიაში აცხადებენ, რომ ადგილზე შესაბამისი სამსახურები არიან მობილიზებულნი.