მსახიობმა ტომ ჰარდიმ რამდენიმე დღის წინ თქვა, რომ მსახიობ ლეონარდო დიკაპრიოსთან სანაძლეო წააგო, რის გამოც ახლა ტატუს გაკეთება მოუწევს წარწერით "ლეომ ყველაფერი იცის". სწორედ ეს არის დიკაპრიოსთან წაგებული სანაძლეოს პირობა.

ფოტო: Revenant

მსახიობებმა სანაძლეო "რევენანტის" გადაღებისას დადეს. დიკაპრიო ირწმუნებოდა, რომ ტომს ამ როლისთვის ოსკარზე წარადგენდნენ საუკეთესო მეორეხარისხოვანი როლის ნომინაციაში, ჰარდის კი ამის არ სჯეროდა. სანაძლეოს თანახმად, წაგებულს მოგებულის მიერ არჩეული ტატუ უნდა გაეკეთებინა.

როგორც ტომ ჰარდი ამბობს, დიკაპრიომ საკუთარივე ხელით ძალიან ცუდად დაწერილი "ლეომ ყველაფერი იცის" ტატუ შეარჩია. ჰარდი თანახმაა, სასჯელი წინააღმდეგობის გარეშე მიიღოს, თუ ლეო თავიდან და ლამაზად დაწერს ფრაზას.