სასექსის ჰერცოგინიამ ჯორჯ ფლოიდის სიკვდილთან დაკავშირებით პერსონალური ვიდეო-მესიჯი გაავრცელა. ჩართვაში მეგან მარკლი თავისი ყოფილი სკოლის, ლოს-ანჯელესის დამამთავრებელი კლასის მოსწავლეებს მიმართავდა. მეგანმა სტუდენტებს ერთიანობისკენ და ძლიერი საზოგადოების შენებისკენ მოუწოდა:

"არ ვიცოდი, რა უნდა მეთქვა. მინდოდა, ჩემი სიტყვები სწორი და უშეცდომო ყოფილიყო და ამაზე ვნერვიულობდი. შემდეგ კი გავაცნობიერე, რომ ერთადერთი შეცდომა ამ ამბავზე ჩუმად დარჩენაა, რადგან ჯორჯ ფლოიდის სიცოცხლეს მნიშვნელობა ჰქონდა. ბრეონა ტეილორის, ფილანდო კასტილის, ტამირ რაისის სიცოცხლე მნიშვნელოვანი იყო. და ასევე ყველა იმ ადამიანის სიცოცხლე იყო მნიშვნელოვანი, რომელთა სახელებსა და ისტორიებს ჩვენამდე არ მოუღწევია".

მეგანმა ჩართვაში იმ აფრო-ამერიკელების სახელები წარმოთქვა, რომლებიც პოლიციის ძალადობას ემსხვერპლნენ.

ჯორჯ ფლოიდი 25 მაისს, დაკავების დროს გარდაიცვალა. მას პოლიციეილ კისერზე მუხლებით აჭერდა, იმის მიუხედავად, რომ ფლოიდი შველას ითხოვდა და ამბობდა, რომ ვერ სუნთქავდა. ექსპერტიზის შედეგებმა აჩვენა, რომ ფლოიდის გარდაცვალება უჟანგბადობამ გამოიწვია. საქმეთსან დაკავშირებით დაკავებულია 4 პოლიციელი, ამერიკაში კი 1 კვირაზე მეტია აქციები არ წყდება. მოქალაქეები უთანასწორობისა და რასიზმის დასრულებას ითხოვენ.