ცნობილი გადაცემების, Top Gear-ისა და Grand Tour-ის წამყვანებმა, ჯერემი კლარკსონმა, რიჩარდ ჰამონდმა და ჯეიმს მეიმ ავტომოყვარულებისთვის ახალი სოციალური ქსელი შექმნეს.

DriveTribe-ზე დარეგისტრირება Facebook-ის საშუალებითაც შეგიძლიათ, რის შემდეგაც უნდა აირჩიოთ, რომელი "ტომის" წევრობა გინდათ. თემატურ ან პერსონალურ "ტომებში" გაწევრიანების შემდეგ თქვენ შესაბამისი მასალა, ლინკები, ფოტოები, ვიდეოები და სტატიები გაგეხსნებათ.

რეგისტრაციისას 6 მიმდინარეობა შეგიძლიათ აირჩიოთ, მოგვიანებით კი არჩევანი შეცვალოთ ან ახალი მიმდინარეობა დაამატოთ.

ქსელში არა მხოლოდ პოსტების განთავსებაა შესაძლებელი, არამედ ახალი "ტომების" შექმნაც, სადაც ერთი ინტერესის გარშემო გაერთიანებული ადამიანები იყრიან თავს.

DriveTribe-ზე ამჟამად არსებული თემატური "ტომები" ყველა ტიპის ავტომოყვარულის გემოვნებას მოიცავს.