Walt Disney Pictures, Walt Disney Animation, Pixar, Marvel Studios და Lucasfilm - ყველა მათგანი დისნეის ბრენდის ქვეშ ერთიანდება, სწორედ ამას უნდა უმადლოდეს კომპანია ყოველწლიურ ასტრონომიულ შემოსავალს. სულ მალე კი მიკი მაუსით დაწყებულ ბიზნესს კიდევ ერთი ოჯახის წევრი შეიძლება შეემატოს Netflix-ის სახით.

როგორც Techcrunch ვარაუდობს, Disney ყურადღებით აკვირდება Netflix-ს და დაინტერესებულია მისი შეძენით, რაც საბოლოო ჯამში სატელევიზიო და კინობაზარზე მას ყველაზე დიდ და გავლენიან კორპორაციად აქცევს.

ამბობენ იმასაც, რომ დისნეის აღმასრულებელი პროდიუსერი ბობ იგერი 2018 წელს გადადგომას აპირებს, მის ადგილს კი ნეტფლიქსის აღმასრულებელი პრიდიუსერი რიდ ჰოსტინგსი დაიკავებს.

ამავდროულად, Netflix საკუთარი გეგმებიც აქვს. კომპანიას სურს საკუთარი ორიგინალი კონტენტის 50%-ით გაზრდა და საოსკარე ციებ-ცხელებაში ჩაბმა, რაც ისეთი მხატვრული ფილმების გადაღებასაც გულისხმობს, რომელთა პრემიერაც კინოთეატრებში შედგება.