გაგაცნობთ კატას, რომელიც ბოლო რამდენიმე დღეა ინტერნეტის ერთ-ერთი ყველაზე "მნიშვნელოვანი ფიგურაა".

ტვიტერზე გავრცელებული ფოტო ცნობისმოყვარე როსკოს ასახავს, რომელიც სარკეში იყურება და აშკარაა, რომ საკუთარი ანარეკლი ძალიან აშფოთებს.

პოსტს 100 ათასობით მოწონება და გაზიარება აქვს, თუმცა, ამ საყვარელი ცხოველის ისტორია ბევრმა არ იცის.

კატა 24 წლის სტუდენტთან ერთად ჩიკაგოში ცხოვრობს, რომელმაც ის 2017 წელს სხვა შტატში ნახა და შეიფარა.

ფოტო: Courtesy of Katie B.

ფოტო: Courtesy of Katie B.

სასაცილო ფოტო, რომელმაც როსკოს პოპულარობა მოუტანა კი გასულ ზაფხულს არის გადაღებული, თუმცა დროდადრო ისევ ტივტივდება ტვიტერზე და რედდიტზე.

"ჩემი საქმით ვიყავი გართული და უეცრად სარკის ანარეკლზე მისი რეაქცია შევნიშნე. სიცილი ამიტყდა, მაშინვე ფოტოები გადავუღე და მეგობრებსაც გავუზიარე", — ამბობს კეიტი.

კეიტს ძალიან უხარია, რომ მისი კატა უამრავი ადამიანისთვის ინსპირაცია აღმოჩნდა.

რა არის ამ კატაში ისეთი, რაც ჩვენს თავს გვახსენებს? ალბათ, ის, რომ მუდმივად ისეთი სახე აქვს, თითქოს ზუსტად ამ წამს გააცნობიერა ცხოვრების ამაოება.