საქართველოში ესტონური დღეები სამი დღის განმავლობაში 2–დან 4 ნოემბერის ჩათვლით გაიმართება. ორგანიზატორების განცხადებით, ღინისძიებებზე მისულ სტუმრებს შესაძლებლობა ექნებათ, უკეთ გაეცნონ ესტონურ კულტურას, კულინარიას, განათლებასა და მეცნიერებას.

ესტონური დღეები საგანმანათლებლო ღონისძიებებსაც მოიცავს, რომელთა მეშვეობით საზოგადოება მიიღებს ინფორმაციას ესტონეთში უმაღლესი განათლების მიღების შესაძლებლობებზე.

პროგრამის მიხედვით, 4 ნოემბერს ღონისძიების დასკვნითი ნაწილი ჩატარდება "ფაბრიკის" ტერიტორიაზე, სადაც გაიმართება ესტონეთის საგანმანათლებო ბაზრობა, ცნობილი ესტონელი მომღერლის მარია ნუტის კონცერტი, სემინარი ესტონეთის ენისა და კულტურის შესახებ.

ორგანიზატორების ინფორმაციით, სტუმრებს ესტონური სამზარეულოს დაგემოვნების საშუალებაც ექნებათ და უშუალოდ ესტონური უნივერსიტეტების წარმომადგენლებისგან გაიგებენ თუ რა ტიპის გაცვლითი პროგრამები და შესაძლებლობები არსებობს ესტონეთში სწავლის გასაგრძელებლად.

ღონისძიებაზე დასწრება ყველა დაინტერესებული პირისთვის თავისუფალია.