აშშ-ში, კალიფორნიის შტატში მცხოვრებ ერთ-ერთ ოჯახში ლაბრადორმა არც მეტი, არც ნაკლები მწვანე შეფერილობის ლეკვი გააჩინა.

დიახ, გიფსის რვა ჯანმრთელი ლეკვი ეყოლა, თუმცა, მათ შორის ერთ-ერთი უჩვეულო შეფერილობის აღმოჩნდა, რამაც მისი პატრონი საგონებელში ჩააგდო.

"ვიცოდი, რომ ეს ლეკვის ჯანმრთელობას არანაირ ზიანს არ მიაყენებდა, თუმცა, გადავწყვიტე, მაინც გადამემოწმებინა", — ამბობს შეინა სტეიმი.

მართალია ოჯახი გაკვირვებული იყო, თუმცა, იუმორის გრძნობა არ დაუკარგავთ და ლეკვს ჰალკი დაარქვეს.

მიუხედავად იმისა, რომ ეს ყველაფერი სასწაულებრივ შემთხვევას უფრო ჰგავს, სინამდვილეში, ძალიან მარტივი ახსნა აქვს.

"საშვილოსნოში თითოეული ლეკვები დამოუკიდებელ გარსშია მოთავსებული, რომელიც სპეციფიური ფერის სითხით არის სავსე. რამაც შეიძლება ცხოველის შეფერილობაზეც იმოქმედოს", — განმარტავს ადგილობრივი ვეტერინარი.